गोजौ फरायसालियाव बोसोर, by Ronjoy Brahma Subscribe to rss feed for Ronjoy Brahma

गोजौ फरायसालियाव
बोसोरथाम।
(2009-2012)

खेबसेनो बोसोरफा
बोसोरफा आं गेजेर
फरायसालिखौ थाबथानाय
गैयै उथ्रिबोदोँ।

गेजेर फरायसालिखौ
उथ्रिनायनि उनाव
आमटेका गोजौ
फरायसालियाव
इन्टारभिउ होनो गोनां
जायो आरो इन्टारभिउआव
उथ्रिनानै आं बेयावनो
मुं थिसनदोँ।

थाखो दाइनआव फरायनाय
समाव आं बिजनि रायजोनि
कया कजिया होननाय
जायगायाव लावखार ओँखाम
जाहैनो मोन्दोँ।

आरो थाखो जिआव फरायनाय
समावबो गौहाटिआव खेबसे
दावबाय हैनो मोन्दोँ।

गोजौ फरायसालियाव
फरायनाय समाव आं एसे
सोलायदोँ दुगासिन
जादोँ।

गेजेर फरायसालिनि
सुमोन्थाइ बहिखौ जोँ सम
सम खावोमोन।

बे थाखो बै थाखो
हाबखावनायाबो जोँनि
मोनसे हुदामोन।

सेंग्रा सिख्ला जोँ
लोगोजोँनो खुला खुलि
(गाज्रिद्राय नङा)
रायज्लायोमोन।

फरायसालिनि ओँखाम
जानाय समाव जोँ ज ज
जायोमोन।

माब्लाबा थोरसि
गंसेयावनो जोँ लोगोजोँ
ज जायोमोन।

जोँनि सिख्ला
लोगोफोराबो जोँखौ
जोबोद अनोमोन।

फरायसालि गबा जोँ जयैनो
फोथारनि थाइजौ बिफां
सायायाव जिरायना मेथाइ
जालायोमोन आरो दाइलग
होलायोमोन।

फरायसालिनि उन्दै
उन्दै फरायसाफोरखौ जोँ
दैदेन्नाय समाव
फरायसालिनि आखाय
हाबाफोरा मोजांङैनो
जायोमोन।

फोरोँगिरि सान गेलेनाय
बादिलायनायफोरा
मोजांङैनो जायोमोन।

गोजौ फरायसालियाव
फरायनाय समाव आंनि
साबसिन लोगोआ जेकसन
बसुमतारी होन्नायमोन।
Posted: 2015-01-18 02:38:53 UTC

This poem has no votes yet. To vote, you must be logged in.
To leave comments, you must be logged in.
Tweet