बुंबाय जिउआव गेलेनाय, by Ronjoy Brahma Subscribe to rss feed for Ronjoy Brahma

बुंबाय जिउआव गेलेनाय

बुंबाय गोसोआव मोजां
मोन्नाय

सिमां सिमां गासैबो
सिमांनि।

बेयो आंनि जिउ,
         बेयो सोलायबाय

आं सेँग्रा,
      जाम्बा नङा माबा
मोनसे

गेलेनाय मोजां
मोन्नाय।

आथोनारि सिख्लानि
ख्लाब ख्लाब

गासैबो गोरबोनि
जिरिनाय थै,

नंखाय नङा सान्नायनि
बिसुखे गोरोबब्ला

सुज्राय सु बाफबनाय
देहा मोदोम।

बिसोरो लेँहरो बैसोखौ

गिदिँ गिदिँ लामायाव
मेँग्लियो,

माब्लाबा लान्थिया
हाखराव गोग्लैयो

       अब्ला बिनि उनाव,
गोसोआ गोरा जायो।

साबुगा बिसोरखौ
अख्रायै फानख्रबो।

रिँखाङाखै खुगायाव नोँ
आंनि

खोबथेना दोनदोँ
सोलेरनि बाब्राबनाया।

अ' जाबाय आंनि
जाफुंनाया

ओँखारबोयो गोसोनि सान
गोरलैया

     आंनि उन्दुनाय
फोजाना।

गाहाम समखौ मोनफिनाखै

जाफुंनाय जाफुङै
फैसालि हाब्रांनि,

   आं बुङो नोँ बिखानि-

गोदै गैया नोँनि बादि
सिनि,

आबुं जायो सोलेराव
आंनि

गासैबो सान्नायनि
मेटामेटिक्श्जोँ।

नागिरबानाय सिग्रोम
सिग्रोम सोलेर

गोबानो बिखाव अरथाब
अरथाब,

लाथिख' हिसाबा अब्ला।

दुलुर हाखर जांख्ला
गैया

गोग्लैलाङो बेसेबा
गोथौ

बिलाद लाथा संसाराव।

आय' सिमां बे सिमां
बुंबाय जिउआव गेलेनाय

गोलोमदै गारना थै-

सोरजि बायनाय लाथिख'
माइनासनि।

               - - -
Posted: 2015-01-18 10:13:58 UTC

This poem has no votes yet. To vote, you must be logged in.
To leave comments, you must be logged in.
Tweet