लाबाय जिउआव सायख'ना , by Prema Brahma
|
लाबाय आं जिउआव सायख'ना
गसाइ!
मुलुगनि साबसिन
होनना।
जायखौ आं मेगनजोँ
नुदोँ
जायखौ आं गोसोजोँ
सान्दोँ
बिजिरनानै
मोन्दोँ
लाबाय आं बिसोरखौ
जिउआव सायख'ना
हाबाब गसाइ!
बिसोरखौ गोसो
खांबोला
गोसोआव फैबोला
मोनायो
माबोला सोराङो
मिथिस'वा
बिसोरखौ अराय
खाथियाव
लुबैयो आं मोन्नो
सिमां मोकथां लुबैयो
आं अराय
बिसोरखौ नुजानो।
लाबाय आं बिसोरखौ जिउआव
सायख'ना
हाबाब गसाइ!
खांलांबाय बिसोरनि
जिउ
बिसोरनि न'खर मासे
मोजां बिसोरनि
गोसोआ
हाबाब गसाइ आंनि
मोनसेल' आर'ज
आंनि जिउआव बिसोर
बादि अराय मोजां
जालांनो हादोँ।
p r e m a
|
| Posted: 2015-01-22 03:53:39 UTC |
| This poem has no votes yet. | To vote, you must be logged in.
|
To leave comments, you must be logged in.