नङा होन्नानै बुंदोँ, by Ronjoy Brahma Subscribe to rss feed for Ronjoy Brahma

जोबोद खस्टयैसो आं
फोरमान होनो हादोँमोन।
आं अनसुला बसुमतारी नङा
होननानै।

सिबाय अनसुला
बसुमतारीखौ लोगो हमनो
फैदोँमोन।
नआव थानानैनो "आं
साफागुरिनि एण्डु
भुटान सेराव गसंना दं"
होननानै थगायहरदोँ।

साफागुरि एण्डु भुटान
हटेलनि मोखांआव
सिगारेड सोबगासिनो
दंमोन आं।

बेसेबा गोजोन सुदेम
फबफब खौगा आरो गन्थंजोँ
उखुन्दै हगारलायनानै।

बबेनिबा समायना
सिख्लाया आंनि फारसे
मिनिसुलु मिनिसुलु
फैगासिनो दं।
बोदोर जादोँमोनबो आं
बेखौ नुनानैनो।

खाथियाव फैनानै बियो
आंखौ रायदावफैदोँ-

"एसे लेट जाबाय आदा"
सोँफिनबाय आं-"बहा
थांनो नागिरदोँ?

"दिनै आंखौ जंखायनो
नाङा।नोँ
लेँहरनायालाय माथो
जाखो?"

गोमोनायजोँ आरोबाव
सोँबाय-"नोँखौ आं
माब्ला लेँहरा? नोँलाय
बबेनि जाखो?

"थौदो थांनोसै"
"बहा थांनो?"
"नोँसिनाव-"

जोबोद आसरिद सोँबाय आं-
"नोँ सोरखौबा लोगो हमनो
फैदोँमोन?

"नोँखौनो"
"आंखौ? आंलाय सोरथो
जाखो?"
"नोँ अनसुला बसुमतारी
नङा?"

"अनसुला?"

आं नङा बुंदोँ- होननानै
बुंब्ला मानिथाराखै।
गाव जैरैबादि सानदोँ
बियो आंखौ बेबादिनो
सानथारदोँ।

जेबो राहा गैया नआव
लानानै फैथारनांबाय आं
सिख्लाखौ।

नङाब्ला मैयानो बियो
साफागुरिनि 31 नं राजा
लामायावनो दुमफ्ला
उन्दुगौमोन।
Posted: 2016-04-08 12:05:11 UTC

This poem has no votes yet. To vote, you must be logged in.
To leave comments, you must be logged in.
Tweet