थायथामनि मोसौ, by Ronjoy Brahma Subscribe to rss feed for Ronjoy Brahma

बिफा सनारामआ थैनायनि
उनाव। 1950 मायथाइनि उनाव
जेब्ला बर'फोरनि थाखाय
आमटेकाया मुं गोनां
हादान जायो।

अब्लानो गसाइगाव
सुलमारिनिफ्राय 1960
निफ्राय 1965 सो मायथायाव
आबौआ आमटेकायाव हादान
फसंफैदोँमोन।

आबौजोँ दंफायोमोन
साब्रै फिसा हौवा आरो
सासे बिसि
थुर्केस्वरि।

आमटेकायाव खारबोनायनि
बोसोरनैसो उनावनो
थुर्केस्वरिया
रुंसारि जादोँ।

बिनि उनाव आबौआ गदाय
लाफिनदोँ गालि
इस्लारिखौ।

गालिनि फिसाफ्रा दिनै
सास्नि।
आबौआ 2005 मायथायाव
थैलांबाय हरखाबनो।

71 सो बांसिन जाबायमोन
बैसोआ।
खायसे दायना रायनानै
थैदोँ होन्नानै बुङो।

दायनाया रायमारदोँ ना
रायमाराखै आं मिथिया।
नाथाय आबौआ थैनायनि
सिगां लोमजादोँमोन।

1988 मायथायाव आफाया हाबा
जादोँमोन।

हाबानि जोथोबा
जादोँमोन 13 जौ रां।
हाबानि जोथोबजोँ मासे
मोसौ बायदोँमोन आफाया
थायथामनि
सान्तिपुरनिफ्राय।

गोदो देउस्रि हाग्रा
गुदुजोँ थांनांगौमोन।
थायथामनि जोलैया
दिनैबो दं जोँनि न'आव।

गंसे बाथोन देग्रा
"थौसि" जानानै।
आरो गंसे दालि
हुख्रेमग्रा "जाथा"
जानानै।

थायथामनि मोसौ गायनि
फिसानि फिसाखौ
फान्नानै 2006 मायथायाव
बेफोरखौ बायना
लादोँमोन।

बलांगुरिनिफ्राय गंसे
आरो बेँटलनिफ्राय
गंसे।

बाङाइगामिनिफ्राय 200
रांनि बायनानै लाबोनाय
"असियान" रेडिअ' आ
गैलिया।

आं सालायग्रा BSA साइकेला
गैलिया।
BSA नि आबुं मुंखौ गोजौ
फरायसालियाव फरायनाय
समाव "बै सिख्लाया आंनि
(Bwi Siklaya Angni)" होनलायोमोन
जोँ।
Posted: 2016-05-04 12:49:00 UTC

This poem has no votes yet. To vote, you must be logged in.
To leave comments, you must be logged in.
Tweet