हाजो सानि जोमै, by Ronjoy Brahma Subscribe to rss feed for Ronjoy Brahma

दिहुनै दिहुनैनो "हाजो
सानि जोमै" मुंनि
सावथुनआ मोनस्नि
खोन्दो जालांबाय।

बोसोरफायाव मोनसे
खोन्दो ओँखारो।
बयजोँबो अनसाय जानाया
बांनो हमदोँ।

एबार ओँखारगोन
खोन्दोँखौ हाइ-फाइसिन
खालामनो नाजादोँ।

दाखालिसो
मुम्बाइनिफ्राय
अमिताप बच्चन
सालायग्रा मटरखौ
लाबोखानाय जाबाय।

सुथिँआ गाबोननिफ्राय
जासिगोन, गाबोनाबो
फैबाय दिनै जाफैबाय।

सुथिँआ दिनैनो
जासिगोन।
सिगांआव दोँसे मेथाइखौ
मोसाग्रोनांगौ जादोँ।

देँखोरानि बसुमतारी
रोजाबनाय मेथाइखौ।

"आं ददेरे---
जानजि सेरे सेरे"
होनलायनाय मेथाइ।

सुथिँनि थावनिया जादोँ
"बड'लेण्ड
मुलुगसोलोँसालि"।

नेयै नेयै थाब्लाबो
सिउनि रानि एक्ट्रिसआ
फैयाखिसै।

बेलासियावबो थांनानै
मोनाबिलिया फैलायबाय।
"हाजो सानि जोमै"
सावथुननि एक्टर आरो
अस्ताथ जानला औवारिया
फुंनिफ्रायनो फन
खालामब्लाबो सुइट अप
जादोँमोन।

मोनायाव थाक थिक अन
जानायाव रिँदोँ।

"हेल'! सिउनि नोँ मानो
दिनै फैयाखै? नोँखौथ'
नेबाय थादोँमोन आं।"

"आं आंनि गोसोथोनायनाव
खारसन फैबाय आदा।
नोङो एक्ट्रिसखौ गोदान
नागिरदो।"

"मा नोँना गोसोथोनाय दं?
नोँनि थाखायनोथ'मोन बे
सावथुना!

बे सावथुनखौ मोजां
मोन्नायबादि, आं नोँखौ
मोजां मोनदोँमोन सिउनि
सना!
बिदिब्ला हाजो सानि
जोमैया.......!"
Posted: 2016-05-10 11:02:52 UTC

This poem has no votes yet. To vote, you must be logged in.
To leave comments, you must be logged in.
Tweet