राबणनि आगान, by Ronjoy Brahma Subscribe to rss feed for Ronjoy Brahma

राबणनि आगान नागिरनाय

जेब्ला जथायु बोराय
दाउसिनखौ दावहा
नांनानै फेजेननो हायो
बिनि उनावनो सिताखौ
लानानै अख्रांजोँ जोमै
सिँखाव सिँखाव
बिरलांदोँमोन राबणा।

दा बिनिफ्रायनो
मुलुगाव राबणनि आगाना
गोमानानै दं।

अखानायै फुंआवनो आंजोँ
आरो सेरे जोहोलावजोँ
राबणनि आगान संनो
ओँखारदोँ।

बबेजोँ थांमारदोँ
राबणा अनजालिखौ लानानै
राबणनि आगान
नागिरबायदोँ।

सेरे फंबायखौ बुंदोँ
आं---
"फंबाय थास' बिलाइनि
सायाव दैस्लुं गैलिया।
जोँ बबेखौ लोँनो?

जानो हागौ राबणा
जोस्रोद लांदोँ।
दुब्रि बिलाइनि
मेगनावबो मोदै गैलिया।

बंफांनि बिलाइफोरा
गोरान गोरान जाबाय।
दा जोँ मोनसे लैथो
नागिर नागिर बेजोंनो
राबणखौ नागिरनो
थांगोन।"

"बुहुमाव राबणनि आगान
मोनलियाब्ला जोँ
जोमैनियावनो सोँहैगोन
आदा।

जेखि जाया मोनसे लैथो
मोनहैयोब्ला बे
लैथोआवनो सोँनो हागोन
राबणा बबेजोँ
बारलांखो?

खर'जोँ गोजावलांखो? ना
उनथिँ गोजावलांखो?
नङाबा जोँ सोँनो हागोन-

राबणा दैखौ खेबसेनो
बारदोँ ना थब्लनानै सिं
सिं थांदोँ?"

"बेनो थिख जागोन फंबाय।
गावनि गोजौ एबा
गाहायजोँ जेरैखि थाङा
लैथोआ नायखांनो हागौ
गावनि मोखांआव।

लैथो फारसे थांनि फै
फंबाय---"
Posted: 2016-06-09 08:01:38 UTC

This poem has no votes yet. To vote, you must be logged in.
To leave comments, you must be logged in.
Tweet