रंजालि बैसागु: आंनि बिबु

दिनैनि बे सालगुरि गामिनि बैसागु बोथोर लोगोसे गोदान बोसोरखौ बरायनाय थांखियै हारिमुनि फिरफिला बिरहोनाय जे हाबाफारि बेयाव नुजाफैनाय साफ्रोमबो आय आरो आफामोननिसिम अननाय मोजां मोननाय आरो खुलुमनाय बिलाइबाइ। आय आरो आफामोन- हारिमु आरो रंजालि बैसागुजोँ बिदि बिफं आरो बिब' बिनानाव बिमा सासेनि गुबुन नङै महरसेयानो। बर' हारिनि हारिमुखौ जोँ आथिखालाव रंजालि बैसागुआवसो नुसारनाय आरो समायसारनाय मोनो। दिनै सारा आसामावनो आसामनि थागिबि सुबुंफोरा बोथोरजोँ गोरोबनाय, मावनाय-दांनायजोँ सोमोन्दो थानाय रंजालि बैसागु(बिहु) फोरबोखौ रंजानो नागाराखै। नाथाय गुबुना बुङाब्लाबो गुबुना नुवाखैब्लाबो आं नुदोँ आरो बुंगोन- सारा बर'लेण्डआव थानाय बर'फ्रा बर'नि लेथ्रा हारिमु जौ खमायनायनि थाखाय रंजालि बैसागुखौ रंजानाय बरायनायाबो लोरबां जालांदोँ। बेयो रोखा नंथारगौ। अब्ला आं फंसेसो बाथ्रा सोँनाय होनि- जुदि जोँ लेथ्रा हारिमु जौआ जोबलाङो अब्ला जोँनि रंजालि बैसागु फोरबोआबो रंजाथावै दरसि जाहैगोन नामा? जोँ जौ लोँब्लाल' रंजानो हायो नामा? जुदि जोँ लेथ्रा हारिमु जौखौ नागारनानै बर'नि गाननाय-जोमनायजोँ रंजायो अब्ला बेसे समायगौ। जेखियानो जाया रंजालि बैसागुआ बर'नि मिनिस्लु महर। जोँ रंजालि बैसागुआव रंजायालाबानो थायोब्ला जोँ अब्बासि। बर'आ दुखुथिया सोमखे मोखां। आं बारा बुंनो सानाखिसै सानाबो जौनायनिफ्राय जौबाय समा जोँखौ अरायबो नेया। बे खिनियावनो आं दोनबाय, खुलुमबाय। रंजालि बैसागु: आंनि बिबुंथि