हालि हालि रंजालि
गोसोजोँ
मिथिँगानि बारनाय गुसु
बारजोँ
सौफैलायबाय लांखार,
बिमानि बिखायाव
रैसुमै मेथाइजोँ,
बाज्ल'खांनाय गोरबोआव।
फुरसब जोमै अखोरां
बिखायाव
दैसानि जिरि जिरि
मिनिबाला
रंजादोँ बोदोर बरायना
गोसोआव,
रिथि रिथाव जोँनाय
बालारियाव थिला थिला।

दिनैनि सानाव बयहाबो
बोदोर
गोदान गोसो
गुस्लायनायनि
रंजानाय गोसोखौ
साजायनायनि
बाबेन बाबेन
गिदिँबोनाय बेयोदि
बोथोर।
मोसादोँ हायला-हुयला
बयहाबो
बिफां-लाइफां बिलो
निजोराहाबो।