गेजेर फरायसालियाव बोसो
By Ronjoy Brahma •
गेजेर फरायसालियाव बोसोरथाम।
(2006-2009)
गुदि फरायसालिखौ बारग'ना आं मोनसे इन्टारभिउ लिरनो गोनां जादोँ आरो इन्टारभिउखौ उथ्रिनायनिफ्रायसो गेजेर फरायसालियाव मुं थिसननो हादोँ।
आमटेका गेजेर फरायसालियाव आं बोसोरथाम फरायदोँ।
ननिफ्राय साइकेल सालायनानै थांलाय फैलाय।
गेजेर फरायसालियाव फरायबा आं दुगा नङामोन अदेबानि आं रावखौबो जंखायनो रोङामोन।
गुबुननि दायआवनो नाथाय सानसेखालि मानजा जालायनाय बिखुंआव बुजानायखौ गोसोआव दं।
बेयो थाखो बा आव फरायनाय समनिनो बाथ्रा।
थाखो द'आव फरायनाय समाव प्रसान्त बरगयारि सार (फोरोँगिरि) आ आंखौ सिरि थाग्राखायनो 'गोबोर लादा' मुं होयो।
बिनि उनाव आंखौ लोगोफोरा बे मुंजोँनो गाबज्रिनो लायो।
थाखो स्नियाव फरायनाय समाव आं भुटाननि लद्राय होननाय जायगायाव दावबायनो (अदेबानि लावखार ओँखाम जानो) थांफानो मोनदोँ।
थाखो बा निफ्राइ थाखो स्निसिम नैथि आरो थामथि बेरेन्सियाव जिरायग्रा सासे फरायसामोन आं।
गेजेर फरायसालियाव बोसोरथाम फरायनाय समाव आंनि साबसिन लोगोनि मुंआ सोरां बसुमतारी होननायमोन।