थगायनाय
By Ronjoy Brahma •
थगायदावनाय सर' खालामब्ला थगायग्रायानो जायो।
थेवबो थगायग्राया बेबादि हुदाखौ लानो हाबायबा, बेयो थगायनानै जोबोद गोजोन्नाय मोनो।
ओजोँ नाथाय जायफोर थगाय जायो बिसोर जोबोद दुखु मोनो।
थगायनानै जाय जेसेबां रंजानो हादोँ बिनिबो बांसिन दुखुसिन।
जेब्ला थगाय जायो, थगाय जाग्राया जोबोद लोरबां जायो।
ओरैबादि लोरबां जायोदि सोरबा सैथो लोगोनि नंथारगौ बाथ्राखौबो फोथायनो गोसो गैयै जायो।
खायसे थगायजाफेरै सुबुंआ जेब्ला खेबसे थगाय जायो अब्ला थगायजानायनि थाखायनो सोरनिबा सैथो बाथ्राखौबो फोथायनो सानस्लिँ थायो।
बेखायनो थगायनाय हुदाया जोबोद असिद हाबा।
थगायनाय हुदाया गोरोन्थिनिफ्रायबो गोबां गिदिरसिन गोरोन्थि।
मानोना थगायग्राया मिथिखा हसिखानो थगायनाय जायो।
सोरखौबा फेलेँ जाहोनो एबा लाजि फोनांनो थाखायनो थगायनाय जायो।
खैफोदआव खोख्लैना दुखुआव गब्रहोनो मिजिँजोँनो थगायग्राया नोगोद थगायो।
थगायजाग्राया थगायनानै गोजोन्नाय मोनो जेब्ला थगायजाग्राया थगायग्रानि नोजोराव जाम्बा जायो।
नाथाय बाथ्राया सैथोदि- थगायजाग्राया जाम्बा नङा, थगायग्रायासो जाम्बा।
मानोना जायखौ मिथिखाया बेखौ मिथियैया जाम्बा नङा, मिथिखानानैबो नंखायै मिथियै जाफ्लानायासो जाम्बा।
थगायग्रानि उनाव फिन साजा फैफिनो।
थगायब्ला थगायजाफिनो होन्नायबादि।
माब्लाबा गावनि सैथो बाथ्राब्लाबो हेव खालामजाब्ला गावनो बेसेबा दुखु मोनगोन।