फाइट् करिअग्राफार

हाग्रामा दालांआव सासे माहाजोनखौ मटर लाखिनानै रां दाबानायाव खेबसे बुलायनाय जाखांबाय। दाखालि बिजिनि अभार ब्रिजआवबो द्लाम बुलायनाय जादोँ। सानै गुण्डाफोरखौ फुलिसनो हमनानै हरनो मोनदोँ। दिनैबो बुलायनाय मोनसे सुथिँ दं बिजिनि कलेजआव। मानि ओरैबादि जागोन- जेब्ला रंगिना ब्रह्मआ कलेज गनानै ओँखारबोयो अब्ला माखासे गाज्रि सेंग्राफ्रा बेखौ जंखायगोन लामाखौ बेँथेनानै। "आं नोँखौ गोसोथोयो, फै सना आंनि बिखायाव" बेबादि बुंजानायाव रंगिनाया सहायनो हायैनि सासेखौ गोसायैनो सोबागोन। बिनि उनाव नारा नाथा जाबायथागोन। बे समाव मिथिँगा खुंगुर बसुमतारीया खारबोनानै सेंग्राफोरजोँ बुलायगोन। आरो फेजेन्नानै रंगिनाखौ लजिँसिम दोनलांगोन। Action director आ मुंदांखा बयजोँबो मिथिखा जानाय म. म। थेवबो Saolin रोँगौलाय Fight Choreographer आ मिथिँगायानो। फोरोँबाय बियो- "नै ओरैबादि जोनांगौ side kick उथुमैयाव tied kick जोनांगौ। आखायफोरजोँ Rolling-trolling फोर होनो हागोन। बिनि उनाव आरो Back jump होनानै Tony Jaa नि फरमुला बादि जागोन।" जेरै थिनदोँ ओरैनो जोलायनाय दान्थेलायनाय जाबाय। सुथिँ खालामफेरनो मोनैनि खोथा रोँखागौ होन्नानै एसे खररायानो जादोँ मिथिँगाया। सेंग्राया एरायखनो हालायाखै। उनथाराव Back jump होनाया हले गोदोनाया सल्थमना फार्मासियावसो लांनो गोनां जाबाय मिथिँगा एक्टर Fight Choreographer खौ।