दाउलुर दाउसिन....

दाउलुर दाउसिन आरो आं। दाउलुरनि गारांआ जोबोद गोदै। ओरैबादि रैसुमै गोदैदि खोनासंनो माब्लाबाबो आंगाया, खोनासंबाय थाथावथार। जोँनि न'नि सोरगिदिँ फांसे नङा फांसे आं जोनोमनि उन्निफ्रायनो नुबोदोँ मुदुमफुल बिफां। बिफांआव जारौ गोमो फिथाइ मोन्नाय आरो सम सम नुबोदोँ दान्दाजोँ थुख्लायनानैबो मोनजाबोदोँ। नुवा नुस्लाबा जोँनि सोरगिदिँ मिथिँगायाव थानाय समायना दाउलुरफोरा मानै माथामसो हानजा लानानै जोँनि फिथाइ गोमोनखौ खेबख्लाब फैयो रंजा बाजा। मेथाइ रोजाबो बिसोर, खिबुनि गाब गानाय लानजाइखौ दिन्थिनानै बाज्ल' बाज्ल' मोसायो। समायना। बिसोरनि गारांखौ मोजां मोन्नानै बिसोरनि रंजानायखौ आं ओरैबादि समायना नुयोदि- "नै आंनि फंबाय बिनानावमोन- रंजा नोँसोर खुसिजोँ, दाहा गैया दुखु गैया। आंखौबो गोजोन नोँसोरो।"