नोँ मोजाङैनो दङने?
आंखौ इयुननि सान्नानै
बायदि बायदि।

2009 मायथाइनिफ्राय 2010
मायथाइ मोनफैबाय।

जोँनि मोजां
मोनलायनाया उरायबाय
जेरैबो खना खनला।

उन्दै समाव मोजां
मोनलायनाया बिजिरनो
गोनां।

बिसोरनि मोजां
मोनलायनायनि ओँथिया
बेसे गोथौ थारैनो
बिजिरनो गोनांथार।

आरोबाव बेयो दिनै सैथो
बाथ्रादि उन्दै समनि
मोजां मोनलायनायखौ
सानै हयै हेँथा होनाया
जोबोद मोजां।

मानोना मोजां
मोनलायनायखौ मोजां
मोनलायग्रा जरासे
सुबुंआनो गुदि बिजौ
मिथिनाय नङा।

बेबादिनो बोरैबा आब'नि
बाथ्राया सैनायनि
खोमायाव नांहैबाय।

बेबादिनो बियो
सानसेखालि आंनो
लाइजामनि सोलायै फिसा
जिख्लाबसे लेखा
बिलाइआव लिरहरबाय-

आं गिनाय मोन्दोँ।

नोँसिनि आब'आ आंखौ
थारैनो लाजि फोनांगोन।

आं बेखायनो जोँनि
सोमोन्दोखौ बोस'नोखौनो
लुबैयो।

बेखिनि।

नागारलायाखै, सैनाया
आंखौ नेवसियाखै आंबो
गाज्रि रावजोँ
सोँखारियाखै।

बेबादिनो गोदान
बोसोरनि उनाव गोदान 2011
मायथाया फैबाय आं
अब्लाबो सुबानाखौ
मोजां मोनो, आं गावनो
मिथिया।

अब्लाबो जोँ रायज्लायो
नाथाय खाथि सोमोन्दोयै
नङा।

लाइमोन समा जिउनि मोनसे
गेजेर खोन्दो, बेयो
फारनै बिखुंनि मोन्नै
महर।

सोरबा देरहायो बे
बैसोआवनो सोरबा जेनो बे
समनि बैसोआवनो।

गावनि माखासे बैसोनि
सिमब्रेनायावनो
सुबानाया बे बैसोआवनो
जुलिया जालांबाय।

दिनै आंहा गाबनांगौ
गैया, थेवबो आं गाबनो
ओँखारदोँ।

बियो हाबा जालांबाय
गावनि रोङै गियानजोँ,
संसारखौ माबोरै
फिदिँगोन?

बियो गावनि इयुनखौ
माबोरै दैदेनगोन, बबे
लामाजोँ आरो बेसे गोजौ?
बेसे गोजानसिम?

सुबानाया आंखौ
जंखायोमोन उनाव गावनो
बांद्राय
लाजिदोँमोनबो।

बेनि उनावबो आंजोँ
मोजाङैनो
रायज्लायदोँमोन, बिनि
उनाव आरो बिनि थिफुद्ला
संसारनि बाला गुदुंआव
आगान होनो जुजिनाया
साननो गोनां।

आंनिफ्राय मोनसे आसा-

"खर'आव गोजोँ सोरां
जोँनाय गैयाब्लाबो
नोङो देरहागोन, नोँनि
गोसोनि बोलोजोँनो।"