बारसे बिबार होनानै: बिने
By Ronjoy Brahma •
दुंब्रुद गोगो गोसो लानानै
राव- थुनलाइ हारि सिबिनो दावगानाय
मुगानि थान्दै नोँ गेदेमा
उदखारिनि गुलियाव जिउ गोमाबाय
(2000 मायथाइनि 19 आगष्ट)।
हारि आरो माहारिनि दुखुनांथाव
नोँनि अबथिरा जिउ गारनांनाया।
आद्रा थालांबाय गेदेमा बेसेबा
नोँनि हारिनि मावनांगौ हाबाया
नाथाय गासैबो गोरोन्थिया जोँनिनो।
दिनै आर'ज खालामो बारसे बिबार होनानै
नोँनि बोर मोनगोन होन्नानै
नोँनि आद्रा, हाबा मावनांगौ हारिनि
गासैखौबो गावनि बिबान सान्नानै।
~ ~ ~