उखैनाय समाव जानांगौ
नाथाय उदै थासेयावबो-

मोन्नाय समाव
जाखानांगौ होननाय
बाथ्राया जोबोद
मुगैथाव।

जिब जुनाराबोदि जोँनि
बेसेबां मोजां खामानि
मावनो हायो बेखौ
बिजिरनांगोन।

जोँखौ मदद होग्रा
मुलुगनि जिउनां जिब
जुनारखौबो जोँ मान होनो
रोँनांगोन लोगो होनना
साननो हानांगोन।

जिउ गोनां जिबि नाङैनो
थांना थानो थाखाय
जाखाथारनांगौ।

सानफ्रोमबो सान आरो
हरावनो एबा उखैनाय
समावनो।

नाथाय बुजि गोरोँ मानसि
माहारिया जानायखौ
बायदि नेम खालामनानै
जायो।

बायदि मेगं थाइगं आरो
बेदरनि सायाव जाजानाय
जाजायै सायखना लायो।

खायसे घोरोमनि (गसाइ
सिबिनाय) गेजेरजोँ फाप
एबा हामनाय हामै
खालामो।

नाथाय बेयो थारदि-
जानायानो फाप नङा नाथाय
सोरजिगिरिनि मोनसे खहा
खालामनाय।

मानसि सोरजिनायखौ
मानसिया गोसोबादि जानो
हानायनि मोन्थाइआनो
मानसिनि आखायावनो।

इसोरा बुहुम बे मुलुगाव
जेसेबां जानो थाखाय
आदार हिसाबै सोरजिदोँ
जोँ बेखौ रान्नानै जानो
रोँनांगोन माखासे
बुजिनो रोङै
जुनारफोरनि थांनानै
थानायनि बाथ्राखौबो
साननो हानांगोन।

मानोना बुहुमाव
दंनायमानि थांनाय आरो
फोथैनायनि बिबाना
मानसिनि आखायावनो।

मानसिया बुजिनांगोन
सोरजिगिरि सोरजिखौबो
गंग्लायजोँ मान
होनांगोन।