गोसो थोनाय
By Ronjoy Brahma •
(गोसो थोनाया गोसो थोनायजोँल' जाला)
बैसागुआ फैगौ।देग्लाय आंनि लोगो बिजौमोनहानाव थांनो जोबोद गोसो आं।
थांनानै फुरा जायै लोङैसो फैगोन।
बिजौनि बिनानावआ अनथाव बाथावथार।
देग्लाय थाखो जिआव मोनबाय जानो हागौ।
मायब्रानि संनो थिनहरखानोसै सालाखौ-
बेबादि साननानै बिजौनियाव फन खालामदोँ आं।
"ओइ आसोल बहा दं?"
"नैलै फार्मासियावसो दं।"
"लोमजा बायदोँ नामा?
लोमजाफेरा होननानै बुङोमोन माथो नोँलाय।"
"आं नङालै, बिनानावसो लोमजादोँ"
"हे गसाइ! बेसे गोसा लोमजादोँ बेबा?"
"दोरसि जादोँलै नोँथां।मा खालामबावनांगौथाय?"
"सि हाबा जायागारा"
"औलै नोँथां मा जाबावनो? गोसो थोनाया गोसो थोनायजोँल' जाला।
गोरबोजोँ गोरबो, गोसोजोँ गोसो गोरोबलायनाल मोजां मोननाय जालिया।'"
"दालाइ माथो राहा लाखो?"
"सानसेखालि बिसोर नांलायदोँमोन।
फोथायखेबस' खालामबाय सेंग्राया।
दाखालि बिनानावनि बेबादि खौरांखौ मोननानै सेंग्राया खारबाय।
बेँगालराव दंहैयोनो।
बिनानावआ गथ'खौ जैरैबाबो जोनोम होथारगोन होनना बुंदोँ।"
नाथाय जोनोम होनायनि उनाव?
गोसोजोँ गोसो आं सानदोँ।