साफागुरिनिफ्राय
आमटेकासिम अट'जोँ
फैनांगौ जायोब्ला 1
घन्टाफ्रामसो सम लायो।

खायसे 1 घन्टानि बारा
समबो लायो।

अरनमोना
आमटेकानिफ्राय
ओँखारनानै दानिया नसिम
थाबायगोन।

बिसोर आमटेका हाथाइयाव
साहा खाबफा लोँनानै
सालगुरि मोखां फारसे
थाबायनो जागायबाय।

सानसे मटर गाखोनायनो
जाबाय।
निजोराया जोबोद
मेंग्लिथारबाय।

अनथाव बाथाव बियो
थाबायनो हाया हाया
थाबायदोँ।

आरोबाव बेसेबां गोजान
दंबावो बेबा? गोसोजोँ
गोसो सानदोँ निजोराया।

निजोरानि लोरबां
मेंग्लिनायखौ नुनानै
अरना अननो ओँखारदोँ।

सम सम थाबायनाय फावैनो
गल' गल' नायदोँ बियो।

"जोबोद मेँबायहां,
आरोबाव बेसे गोजान
थांबावनांगोन?"

निजोरा गोसो
बायनायबादि अरननियाव
सोँदोँमोन।
अरना मिनिसुलु जाना
फिनदोँ-

"3 कि.मि गोजान थाबाय
बावनांगोन।"

"आयौ!-"
"थाबायनो हालाबा आं
बानोसै नोँखौ।ना
लाजियो?"

अरना
जंखायदोँमोन।निजोराया
लाजिनायजोँ अरनखौ दुब
खेबसे फाफ्लियाव
सौफैदोँ।

बिनि उनाव गोख्रोँ
जानानै मेंङै बादि
थाबायदोँ बियो।

दान्दिसे उनाव माबा
मिथिनो लुबैनायजोँ
सोँदोँ निजोराया-

"अरन आदा, जोँ जोबोद
गोजान फैबाय।

आं दिनैसो मिथिबाय
आमटेकाया
साफागुरिनिफ्राय
जोबोद गोजान जायो।

आमटेकाखौ
साफागुरिनिफ्राय ससे
अट' गाखोना थांब्लानो
मोनो होन्नायसो
खोनादोँमोन आं।"

"आं नाथाय खाथिसो मोनो"
-जंखायो अरना।

"हार्सिँङै
थांफिननांगौ जायोब्ला,
थांफिननो रोँखानाय
नंलाहां।

बोरै बोरै फैखोथाय? एफा
गोजान लामा।"

"गाड़ि गाखोबानो सहैयो"

"साफागुरिनिफ्राय
आमटेकासिम बेसेबां
गोजान जायो?"

"साफागुरिनिफ्राय 30
कि.मि जायो।
बिजनिफ्राय 35 कि.मि
गोजान जायो।"

"आयौ थैगोनसो एफा गोजान
गोजान लामा।
एबार थांफिनबाथाय
फैखानाय नंला आं।"

गोसो बायनाय रावजोँ
लासै लासै बुंदोँमोन
निजोराया।
अरना खुसिजोँ
जंखायबावदोँमोन-

"फैयाबानो साबसिन
जागोन।लायखानायबो नङा
रावबो।"

निजोरा एसे बोरैबा
मोनदोँमोन, बियो माबा
बुंनो नाजादों।

एसे आगाननैसो बारायना
बियो बुंदोँ-

"बिदिब्ला-"

"मा बाथ्रा?
थालांखानोसै?

थालांखानायानो मोजां
जागोनबादि मोनदोँ आं।"

जंखायदोँ।बेबादिनो
जंखायै रायज्लायै
बिसोर नसिम सफैदोँमोन।

साफागुरिनिफ्राय
आमटेकासिम सफैनो 1
घन्टाफ्राम समानो
नांगौ।

गोदोहाय बांसिन
खष्टमोन।
जोँ सम सम बंङाइगामियाव
थाङोब्ला गोदोआव
साइकेलजोँनो
थांनांगौमोन।

आं खेबनैसो आफाजोँ
उन्दै समाव साइकेलजोँ
थांफानो मोन्दोँ।
बे समाव दिनैनिबादि
गारि मटर गैयामोन।

जेब्ला आं बंङाइगाव
कलेजाव फरायजेनो
अब्लाबो हाग्रामा
दालांआ जाथ'वाखैमोन।
अब्ला आमटेकानिफ्राय
खारनाय अट'आ दैखौ बारनो
हायामोन।

जोँ नावजोँ बारनानैनो
गोदानै
साफागुरिनिफ्राय
मारुं फारसेजोँ नेना
थाफैनाय अट' एबा
मेजिकफोरखौ गाखोनांगौ
जायोमोन।

आय दैमाया जोँखौ जोबोद
खष्ट होबोबाय।
जेब्ला जोँ डाक्टार
बबेबा अफिसाव थांनांगौ
जायोब्ला गोबां समा खहा
जायोमोन।

आंबो खेबनैसो नावजोँ
खिगार जानायखौ गोसोआव
दं।

माब्लाबा आय दैमाया
फिसा जायोब्ला औवा
फेरायनि दालां
बानायनाय जायोमोन।
खुनुरुखुम बेबादिनो
अट'आबो खारजायोमोन।

नाथाय फेसेन्जार
लानानै खारामोन।
मानसिखौ ओँखार
होनानैसो खारोमोन।

बुंनो थाङोब्ला आय
दैमानि बिखुंआव दालां
जानाय लोगो लोगो
निसिमानि हान्था
मेलाया साबसिन जादोँ।

थांस'-फैस' खालामनो
हानाया थाबैनो जादोँ।

दिनै साफा सानै
हावरियानि फिसाफोरा
ननिफ्रायनो बंङाइगाव
आरो काजलगाव
फरायसालिफोराव
हान्थिना फरायो।

नाथाय दिनै नोँनोथ'
नुबोबाय आमटेकासिम
फैनाय लामाया दाबो
मोजां जायाखिसै।

माब्लादि जाबावगोन
बेखौबो बुंसनो हाया।

आमटेकासिम थोँजोँ
सफैनो बभानिफुर, आमगुरि
आरो कैला मैलाखौ
बारबोनांगौ।

आमटेकाया जेरावबो
दावगाखनो हायै मोनसे
जायगा।

खायसे मानसिफोर
बुंसोलायो- गोदो
आमटेकायाव नोगोद थाइजौ
आरो थायखा फिथाइ
दंसोगारोमोननो।

खायसे गोदो निसिमाखौनो
गासै आमटेका मुंङै
मिथियोमोन होनना बुङो।

दासिम आमटेकायाव 1960
मायथायाव गायसन
जेन्नाय गंसे गुदि
फरायसालि दं।

जानो हागौ होनब्ला
दिनैनि आमटेकाया बे
मायथाइनि सिगांआवनो
हादान
फाथिजेन्दोँमोन।