इंराजि ना बर', by Ronjoy Brahma
|
गुबुनफ्रा मा बुङो आं
मिथिया।
बर' लिरगिरिफ्रा इंराजि
बिजोँनि फरायसाफोरखौ
बाखोनायफेरा।
बिसोर सल', सलमाफोराव
दावगा होनायनिफ्राय
बोख्लायोसो।
सलमाफोराव इंराजि
बिजोँनि फरायसाखौ
खालामो जौ फाग्ला, आदा
खावनिया, फोसावलिया,
बदमाइस गुन्दा बायदि
बायदि आखुनि।
बेखायनो मुस्रि रुवा
बिथांआबो बर'
सानबोलावरि फरायना
सानगारबाय इंराजि
बिजोँआव गथ'खौ
फोरोँलिया।
देग्लाय थाखो बाआव
मोनबायमोन ग्रेस इंलिस
स्कुलाव।
ओरैनो सम सम दामानि
फिसाज्लानि खर'सायाव
बिरि गज'।
माब्लाबा दाखोर
गारग्रा बारियाव
मोनदोँ थांखु थेमा।
बिरि सोबग्रा आरो थांखु
जाग्रा मानसिया खुदै
फेदफेद गारग्रा
जायोनो।
मुस्रि रुवानि
फिसाज्लानि उन्दुग्रा
खथायावबो खुदैयानो
दैस्लुं जानानै थायो।
फिसाज्लाया बर' बिजोँआव
फरायगोन ना फरायाथाय?
मुस्रि रुवाया ग्रेस
इंलिस स्कुलनिफ्राय
टिसि लानानै "सिगां
दावगा फरायसालि" आव
थिसन्ना होबाय। |
| Posted: 2016-04-23 08:34:12 UTC |
| This poem has no votes yet. | To vote, you must be logged in.
|
To leave comments, you must be logged in.