"मा बुंनाय जादोँ? मा राव
जादोँ बियो?" होननानै
आफाया थाव सोबादोँ
मिलिखौ आरो आंखौबो।

"हामा फिसाफोर!" बेबादि
होननानै आफाया गावनो
गाबनानै ब्लद
थांफिनदोँ।

उन्दै समाव आं
खुसेंग्रा जावबा
मिलिया लथायाव लाग्रा
जायोमोन।

दैज्लांआव ना बाथोन
जायोब्ला
हाल्दिँगायाव सैनानै
बियो लाग्रा जायोमोन।

गान्दौला बोन्नाय,
खारौखान्दाय बिबार
नागिरनायाव जानाय
गोबां सल'फोर दं गुसुं
गुसुं।

मिनिथाव, दुखु नांथाव
गोसोखांथाव।
बेखौनो गोसोखांबाय
थायो आं।

मिलिया आंखौ
गोसोथोबाय।
नाथाय सासे आबौनिनो जोँ
सानैबो बिसौ।

फिसाज्ला गिबिनि आं,
आरो मिलिया गदायनि।
अदेबानि मिलि बिफाया
आंनि असे आदै।

दैस्लुंजोँ
गेलेग्रामोन उन्दै
समाव।
बेखौनो मिलिया बावनो
हाया।

आंनि मुंखौबो दैस्लुं
होननानै बुङो बियो।

दिनै नसुंनि बिफां
सिङाव सानैजोँ
रायज्लायनो खाबु
मोनलायदोँ।

"आदा दैस्लुं, आं नोँनि
अनगायै जुलि जानाय
नङा।
डाक्टार, इन्जिनियार
आरो कलेजनि
प्रपेसारजोँब्लाबो।

जोँनि जुलिखौ होआब्ला
जोँ सानैजोँ
दोनखारलांगोन
आदा।बोसोरथामसो।

उनावथ' गावसोरनो
अनखांनानै लेँहरफिननो
गोनां जागोन।

नोँसिनाथ' नोँ
हार्सिँल'खा फिसा
हौवाया।" मिलिया
बुंदोँमोन।