बर' हिनजावखौ हाबा
खालामा लासेनो बांगाल
हिनजावखौसो जाब-जुब
साहा मुरि जुलि लाबाय
सेल्थाव औवारिया।

बरमा कलेजआव फरायनाय
समाव बिसोर बोरैबा
गोसोथोलायफ्रांदोँ।

लेखा गोरोँ जानानैबो
सेल्थाव औवारिया
बांगाल हिनजावखौसो
हाबा खालामबाय होनना
खायसे लेखा गोरोँ
रायजोनि थान्दैमोना
सोँखारिदोँ।

सेल्थाव औवारिखौ बिखा
गावहां जालायनाय
गोसोथोखोमाग्रा बर'
सिख्लाफ्राबो सासेनि
दायावनो गासै बर'
सेंग्राफोरखौनो
सोँखारिदोँ।

"बर' सेंग्राफोरनो बर'
हिनजाव नांलानो" 
होननानै।

बोसोरसे उनावसो दिनै
बांगाल हिनजाव "सिगुणी
आमेट" आ सेल्थावनो
खोन्थादोँ-

"आं जुदि बांगालनि
गोरबोआव जोनोम
मोन्नायमोनब्ला।
बर' हौवा ज'नाय नङामोन
आं।

नोँसेर फोथायाब्लाबो
आं थारैनो बर'सो!

बेगम माआ आंनो
सानसेखालि
खोन्थादोँमोन।

बर' बिमा आयआ आंखौ
बरफेटानि मोनसे
ड्रेनाव जोनोम होना
गारबोदोँनो!"