थालिर आथियानि, by Ronjoy Brahma
|
थालिर आथियानि टेक्टर
खर'आ थालिर आथियानि
मादा।नावद्राखौ
लायखंजोँ बानायनाय
जादोँ।
साखाखौबो मादाखौ
हानानैनो मोजाङै
खालामनाय जादोँ।
बाङाइगामियाव मोनग्रा
महिन्द्र टेक्टरनिजोँ
एखेथार।
बुंनो थाङोब्ला बेरलाव
फंबायनि आखायजोँ
बानायनाय टेक्टरखौ
दुर्गा फुजा जायोब्ला
साफागुरिनि गलायाव
फानग्रा लबारनि
टेक्टरबादि मोननो
गैया।
"ख्रोँ दुम दुम दुम......."
लेवार गिग्रामोननि
लामाजोँ बेरलावआ
बोलांदोँ।
बोग्राया खिफि
बेन्दोँ।
नावद्रायाव थायथामसो
अन्थाय फिसा थिखोना
लादोँ बेरलावआ।
उन्दै समनिफ्रायनो
बंङाइगामिनि
ट्रिनिट्रियाव
देरबोनाय।
लेवार गिग्राया
देग्लाय थाखो 11 आव
मोनबाय।
बरमानि बहाबा कलेजाव
फरायदोँ।
दाउखि जानायाथ' गोजाननि
बाथ्रा।
उन्दै समावबो लोगोफोरा
सेल्थावजोँ
गेलेयोब्ला बियो सिलाय
दाबा, मावजारजोँ गेलेनो
मोननाय।
बेरलावनि टेक्टरखौ 180
जोँ ख्रुब होख्रेमदोँ
लेवार गिग्राया।
"आयै आयै" बेबादि
होख्रावना हायाव
दुमफ्ला बेरलावआ।
बेसेबा गुवार अमा
उरनायबादि जालायदोँ
हाया। |
| Posted: 2016-04-26 08:56:46 UTC |
| This poem has no votes yet. | To vote, you must be logged in.
|
To leave comments, you must be logged in.