DBD For Unity

"आंना हानजानि मुङा डी बि डी। बर'आव बिनि ओँथिया दाङा बाजि दाख्लाम। आंनि सावगारिया मंगल ग्रह। आसा खालामदोँ मंगल ग्रहनि एबार आं राजा जासिगोन। राजा मानि हादोदनि आं चिप मिनिष्टार जागोन। बेखायनो मंगल ग्रहआवनो भतखौ होनो खावलायबाय रायजोफोर। जेरैखिजाया आंखौ देरहाहोथारदो रायजोफोर।गोजोनथोँ।" रायजोफोरनि सिगाङाव आं बेबादिनो बिबुंथि होदोँमोन। आंनि आफाखि सोलाग्राफ्रा सोरनिबा आरसिसि गलायाव, सोरनिबा सिथाबथाव गलानि इनजुराव। आंनि आसि गज' सावगारिखौ सिथाबहैदोँ। खायसे मोजां मोननानै नआव सावगारिखौ सैनानै दोनहैदोँ। खायसे गय जुमुदै गारलादोँ आंनि मोखांआवनो लेट्रा लेट्रा। आंनि आफाखि सोलाग्राफ्रा सोरनिबा लामानि थाइजौ, खान्थाल, गामबारि बायदि बिफांफोराव एंसि मोननै गाहाम गाजोलजोँ दोथाबहैदोँ। बिनि थाखायबो आंनि आफाखि सोलाग्राफ्रा सोरजोँबा बुजाहरदोँ। सोरजोँबा नांलायबोनांदोँ। नांलायै नांलायै आरो सोरखौबा बहाबा बुदोँबो। बुयै बुयैनो आरो बबेयावबा सोरखौबा आदामारा खालामदोँ। खायसे थैबायबो डाक्टारानो फाहामनो हायैआव।