बाकसानि हिनजाव गोदान

गामियाव थिँथिँ रानिनि
फोसावदिँनायाव बयबो
मिथिजोब्बाय।

ओजोँबा ओजोँ सोरबा
सोरबा लोगो
लालायदोँसै।

सोरजिनि हिनजाव गोदान
नायनो।

दाखालि बाकसानि
गोसोथोनाय लांहानाव
आलासि जाहैदोँमोन
सोरजिया।

मैया मोना मोनासो नआव
फैफिनदोँ।

गय फनायसेखौ लानानै
बेलासियाव जालु
हाथाइआव थांनो
ओँखारदोँमोन सोरजि
बिमाया।

खामफ्लाय बना होनांदोँ
थिँथिँ रानिनो।
जिरायस्लाब मोनै
थिँथिँ रानिया बुंबाय-

"आंलाय लाबोबाय
होननायखायसो नायनो
फैदोँमोनहाय।
लाबोमाराखै आरो?"

"हा फैदोँ होननानैलाय
सोथो खिन्थाहैखो
फाग्लि? फेयाखैहाय।"

"नैहाय फाग्लि बाकसानि
मानसिफ्रा खारदै
लोङोनो।
जोँ सानजारै होनग्राया
बिसोरखौनो होनो
फाग्लि।

बेखायनो बाकसानि
रायज्लायनायखौ मोजां
मोनसोगारो आं।

बिहामजो जागोननालाय
नायनो फैदोँमोन आरो।"

"नङाबा, आंबो खथ' मोजां
मोनो।
फाग्लि बाकसानि
मानसिफ्रा जोबोद खररा
रायज्लायो।

बेखायनो देब्लद (देभलब)
जासिनबाय बाकसा
जिल्लायाव बर'फोरा।

जाय जेसेबां गोख्रै
रायज्लायनो हायो, बिसोर
खामानिखौ गोख्रै
मावोनोहाय।

नै -बेखौ होननाया 'ऐखो'
होनो।
लोगोफोरखौबो 'लेफोर'
होनो बिसोर।"

"नै फाग्लि, दालाय गय
खान्दिसेयाव बेसेबां
मोनोनो?"

"थायनैल' मोनोहाय
खान्दिसेयाव"

सोरजि बिमाजोँ थिँथिँ
रानिजोँ रायज्लायबाय
थानाय समावनो गामिनि
दोलो मोनसे बुरैसामोन
फैदोँमोन।

बाकसानि हिनजाव गोदान
नायनो नायनो होननानै।

सोरजि बिमानि हाथाइआव
गय फनायसे लांनो
नागिरनाया स्लिम।

गयआबो जोबोद गोथाव।
फारानि गय खाबारि
बुरैया साथामानो
सफैदोँमोन।